МІНСК, 2 кра – Sputnik. Доследныя ўзоры самалёта "Асвей" будуць сабраны ў 2026 годзе, іх выпрабаванні пачнуцца ў 2027-м, расказаў падчас відэамоста ў прэс-цэнтры Sputnik Беларусь намеснік дырэктара – галоўны інжынер ААТ "558 Авіяцыйны рамонтны завод" Андрэй Тучын.
"Графік выканання праекта разлічаны да 2027 года. У 2027 годзе плануецца праходжанне сертыфікацыйных выпрабаванняў доследных самалётаў, якія будуць будавацца ў 2026 годзе. І з 2028 года можна будзе пачынаць у выпадку паспяховай сертыфікацыі серыйную вытворчасць гэтага самалёта", - паведаміў ён.
Тучын нагадаў, што "Асвей" ствараецца ў рамках праграмы імпартазамяшчэння. Праект стратаваў у Расіі на Уральскім заводзе грамадзянскай авіяцыі па заказе Мінпрамгандлю РФ некалькі гадоў таму. Аднак затым было прынята рашэнне прыцягнуць беларускі бок.
"Каб, па-першае, і кампетэнцыі ў Беларусі з’явіліся па самалётабудаванні, і для таго, каб аказаць садзейнічанне Уральскаму заводу грамадзянскай авіяцыі. Паколькі яны займаюцца рознымі тыпамі самалётаў, і адначасова будаваць усё на адной пляцоўцы – дастаткова складана", - растлумачыў галоўны інжынер 558-га завода.
Паводле яго слоў, у 2024 годзе былі падпісаны ўсе неабходныя дакументы па ўдзелу Беларусі ў фінансаванні вопытна-канструктарскіх работ. У красавіку 2025 года адбудзецца абарона праекта па канструкцыі самалёта, пасля чаго пачнецца актыўная фаза распрацоўкі рабочай канструктарскай дакументацыі і выраб дэталей для самалёта, праінфармаваў Тучын.
"Асвей" разлічаны на перавозку 19 пасажыраў і прызначаны для авіяперавозак па мясцовых і рэгіянальных паветраных лініях. Эксплуатацыя самалёта магчыма як у пасажырскім, грузавым, так і грузапасажырскім варыянце.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"