МІНСК, 7 кра – Sputnik. Прэзідэнт Беларусі Аляксандр Лукашэнка павіншаваў старшыню Савета Федэрацыі РФ Валянціну Мацвіенка з днём нараджэння, паведаміла ў панядзелак прэс-служба кіраўніка дзяржавы.
"Усё сваё жыццё вы прысвяцілі служэнню Айчыне і вырашэнню важнейшых пытанняў яе развіцця", - гаворыцца ў віншаванні.
Беларускі лідар таксама адзначыў, што Мацвіенка мае глыбокія веды і вялікі вопыт, які быў назапашаны на розных адказных пасадах.
Паводле слоў Лукашэнкі, гэтыя якасці, а таксама прынцыповасць і адданасць інтарэсам РФ робяць неацэнным уклад палітыка ва ўмацаванне расійскага парламентарызму.
Прэзідэнт выказаў упэўненасць, што актыўны ўдзел Валянціны Мацвіенка ў кантактах беларускіх і расійскіх дэпутатаў будзе пашырацца, на розных узроўнях з’явяцца новыя праекты і ініцыятывы.
Лукашэнка пажадаў ёй здароўя, аптымізму і дабрабыту.
Мацвіенка, якой 7 красавіка споўнілася 75 гадоў, з’яўляецца старшынёй Савета Федэрацыі РФ з 2011 года. Палітык мае дзве беларускія ўзнагароды – ордэн Дружбы народаў (2009), яго яна атрымала будучы губернатарам Санкт-Пецярбурга, і ордэн Францыска Скарыны (2019). Абедзвюх узнагарод яна была ўдастоена за ўклад ва ўмацаванне дружалюбных адносін Беларусі і Расіі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"