МІНСК, 7 кра – Sputnik. Расійскія культурныя цэнтры працягваюць працаваць у 17 недружалюбных краінах, паведаміў кіраўнік Федэральнага агенцтва па справах СНД, суайчыннікаў, якія жывуць за мяжой, і па міжнародным гуманітарным супрацоўніцтве (Рассупрацоўніцтва) Яўген Прымакоў падчас відэамоста ў мультымедыйным прэс-цэнтры Sputnik Беларусь.
"Там па-ранейшаму ідуць і курсы рускай мовы, і нейкія мерапрыемствы… Прыкладна адна пятая частка нашай працы да гэтага часу прыпадае на Еўрасаюз", - сказаў ён.
Прымакоў нагадаў, што санкцыі супраць Рассупрацоўніцтва былі ўведзены летам 2022 года – Рускія дамы і культурныя цэнтры, якія знаходзяцца ў краінах ЕС, былі абвінавачаны ў "падрыўной дзейнасці".
"Мы настойваем на тым, што гэта культурныя цэнтры, якія дзейнічаюць там на аснове міжурадавых пагадненняў, і яны не могуць быць прывязаны да нас настолькі жорстка", - таксама адзначыў Прымакоў.
Кіраўнік федэральнага агенцтва дадаў, што санкцыі сур’ёзна ўскладнілі дзейнасць. У тым ліку былі заблакаіраваны рахункі цэнтраў, у некаторых краінах скарочана колькасць супрацоўнікаў, камандзіраваных з Расіі.
"У некалькіх кропках нам увогуле прыйшлося закрыцца або сур’ёзна скараціць нашу працу. Напрыклад, у Даніі, у Румыніі, у Славеніі, Славакіі, Чарнагорыі, Паўночнай Македоніі, Харватыі мы расійскія культурныя цэнтры або гібернавалі, або вось дзесьці вельмі абмежавана працу вядуць", – распавёў Прымакоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"