МІНСК, 14 кра – Sputnik. Намеснік старшыні Савета бяспекі РФ Дзмітрый Мядзведзеў параўнаў кіраўніка блока ХДС/ХСС Фрыдрыха Мерца з нацыстамі пасля неадназначных заяў нямецкага палітыка.
Раней Мерц, які, хутчэй за ўсё, стане наступным канцлерам Германіі, сказаў, што Берлін мог бы пастаўляць па ўзгадненні крылатыя ракеты Taurus украінскай арміі. Паводле яго слоў, цяпер украінскія вайскоўцы вымушаны дзейнічаць у абароне, але ім трэба мець магчымасць наносіць удары па расійскай інфраструктуры забеспячэння.
Мерц у якасці прыкладу прывёў Крымскі мост, нанясенне ўдару па якім "было б магчымасцю стратэгічна паставіць Украіну ў апераджальную пазіцыю".
"Кандыдата ў канцлеры Фрыца Мерца праследуюць успаміны аб бацьку, які служыў у гітлераўскім вермахце. Зараз Мерц прапанаваў нанесці ўдар па Крымскім мосце. Падумай двойчы, нацыст!", - напісаў Мядзведзеў у сваім акаўнце ў Х.
Кіеўскія ўлады неаднаразова звярталіся да афіцыйнага Берліна з просьбай аб пастаўках крылатых ракет Taurus, якія з’яўляюцца аналагам Storm Shadow, што выпускае Вялікабрытанія.
Пры гэтым нямецкая распрацоўка мае магчымасць наносіць удары на большую далёкасць. Цяпер украінскія вайскоўцы атрымліваюць толькі брытанскія ракеты.
Раней прэзідэнт РФ Уладзімір Пуцін неаднаразова казаў пра тое, што Расія будзе расцэньваць ужыванне дальнабойнай заходняй зброі на расійскай тэрыторыі як непасрэднае ўцягванне Паўночнаатлантычнага альянсу ў канфлікт.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
