МІНСК, 16 кра – Sputnik. У Мінску жыве больш ветэранаў Вялікай Айчыннай вайны, чым у іншых рэгіёнах рэспублікі, заявіла падчас прэс-канферэнцыі намеснік старшыні камітэта па працы, занятасці і сацыяльнай абароне Мінгарвыканкама Вольга Васілеўская.
"У Мінску пражывае 278 ветэранаў Вялікай Айчыннай вайны і 939 асоб, якія адносяцца да катэгорыі пацярпелых ад наступстваў ВАВ", - расказала яна.
Прадстаўнік выканкама адзначыла, што самаму старэйшаму ветэрану – працаўніцы тылу – 8 лютага споўнілася 107 гадоў.
Намеснік старшыні камітэта таксама звярнула ўвагу, што напярэдадні Дня Перамогі ўсім ветэранам будзе з 2 па 8 мая выплачвацца матэрыяльная дапамога ў памеры ад 1 500 да 5 000 руб., у залежнасці ад катэгорыі.
Яна таксама падкрэсліла, што органы сацыяльнай абароны на пастаяннай аснове праводзяць абследаванне жыллёвых умоў усіх ветэранаў.
"Аналіз заявак паказвае, што, як правіла, гэта невялікія просьбы. Гэта пастаноўка на сацыяльнае абслугоўванне, аказанне паслуг сацработнікаў, памочнікаў па доглядзе. Гэта пытанні арганізацыі святочных мерапрыемстваў або іх удзелу ў святочных мерапрыемствах", - сказала Васілеўская.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"