МІНСК, 21 кра – Sputnik. Адпраўка ў войскі грамадзян Беларусі, прызваных на тэрміновую ваенную службу, у злучэнні і воінскія часці УС, унутраных войск МУС, органаў пагранічнай службы і дзяржбяспекі пачнецца з 22 красавіка, паведаміла прэс-служба Мінабароны ў афіцыйным Telegram-канале ведамства.
Як праінфармавалі ў міністэрстве, у першы дзень у войскі будзе накіравана каля адной тысячы прызыўнікоў. Яны папоўняць рады сіл спецаперацый, Мінскай ваеннай камендатуры і 72-га гвардзейскага Аб’яднанага навучальнага цэнтра.
"Усяго на ўкамплектаванне Узброеных Сіл, іншых войск і воінскіх фарміраванняў Беларусі ў красавіку-маі плануецца накіраваць каля дзесяці тысяч чалавек", - гаворыцца ў паведамленні.
Таксама ў Мінабароны адзначылі, што восенню гэтага года на прызыўныя камісіі плануецца выклікаць каля 43 тыс маладых людзей.
Цырымонія прыняцця ваеннай прысягі пройдзе 24 мая, а звальненне ў запас – у красавіку-маі гэтага года.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"