МІНСК, 21 кра – Sputnik. Каля 4,9 тыс фактаў парушэння велікоднага перамір’я зафіксавана з боку УСУ за час яго дзеяння, паведамілі ў панядзелак у прэс-службе Міністэрства абароны РФ.
У ведамстве ўдакладнілі, што расійскія вайскоўцы няўхільна выконвалі рэжым спынення агню.
"Усяго зафіксавана 4 900 парушэнняў рэжыму перамір’я", - гаворыцца ў паведамленні Мінабароны РФ.
У ведамстве звярнулі ўвагу на тое, што ўкраінскія баевікі выкарыстоўвалі для ўдараў па пазіцыях УС РФ і грамадзянскіх аб’ектах у прыгранічных раёнах Белгародскай, Бранскай, Курскай абласцей і Крыма артылерыю і дроны.
У Мінабароны РФ канстатавалі, што днём інтэнсіўнасць вядзення агню і баявых дзеянняў з боку УСУ па ўсёй лініі фронту была істотна зніжана дзякуючы перамір’ю.
У міністэрстве дадалі, што з заканчэннем дзеяння перамір’я УС РФ працягнулі правядзенне СВА.
У суботу, 19 красавіка, расійскі прэзідэнт Уладзімір Пуцін аб’явіў велікоднае перамір’е, якое пачалося ў той жа дзень у 18:00 і працягнулася да паўночы з 20 на 21 красавіка. Пры гэтым вярхоўны галоўнакамандуючы РФ адзначаў, што расійскія войскі павінны быць гатовы адбіць магчымыя парушэнні перамір’я і правакацыі з боку праціўніка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"