МІНСК, 24 кра – Sputnik. Савет міністраў Беларусі па даручэнні прэзідэнта Аляксандра Лукашэнкі ўнёс у парламент праект закона аб амністыі да 80-годдзя Перамогі ў Вялікай Айчыннай вайне, паведамілі ў чацвер у прэс-службе кіраўніка дзяржавы.
Адзначаецца, што ў праекце захаваны падыходы, якія раней былі паспяхова апрабаваны ў ходзе папярэдніх чатырох амністый, якія аб’яўляліся ў рэспубліцы на працягу мінулых пяці гадоў. У той жа час у ім прадугледжаны і шэраг новаўвядзенняў.
Так, пералік поўнасцю вызваляемых ад пакарання і іншай крымінальнай адказнасці дапоўнены новай катэгорыяй – гэта асобы з некаторымі захворваннямі.
Згодна з праектам дакумента, раней не судзімым грамадзянам ва ўзросце ад 70 гадоў і якія атрымалі ў якасці пакарання пазбаўленне волі на тэрмін да шасці гадоў (уключна) прапануецца замяніць яго на больш мяккае – "дамашнюю хімію".
Таксама да асуджаных за неасцярожныя злачынствы, якія прывялі да смерці, замест поўнай амністыі плануецца прымяніць частковую, скараціўшы тэрмін на год.
Асноўнымі ўмовамі для новай амністыі ў дачыненні да большасці асуджаных названы поўнае пакрыццё прычыненага злачынствам урону і станоўчая характарыстыка з месца зняволення.
У прэс-службе адзначылі, што паводле папярэдніх звестак, пад дзеянне амністыі сёлета трапяць амаль восем тысяч асуджаных.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"