МІНСК, 24 кра – Sputnik. Расійскія войскі здолелі ўзяць пад свой кантроль населены пункт Багданаўка ў Данецкай Народнай Рэспубліцы, гаворыцца ў апублікаванай у чацвер зводцы Міністэрства абароны РФ.
"У выніку актыўных дзеянняў падраздзяленняў групоўкі войск "Цэнтр" вызвалены населены пункт Багданаўка ў ДНР", - адзначаецца ў ёй.
Па даных ведамства, за мінулыя суткі на гэтым напрамку ў ДНР і Днепрапятроўскай вобласці было нанесена паражэнне жывой сіле і тэхніцы шэрага брыгад УСУ ў раёнах вёсак Лысоўка, Новая Палтаўка, Удачнае, Вадзянскае, Крыварожжа, Новападгароднае і Межавая.
У Мінабароны РФ праінфармавалі, што пры гэтым праціўнік панёс значныя страты – ліквідаваны да 410 салдат УСУ, знішчана бронемашына, шэсць аўто і дзве артылерыйскія гарматы.
Па УСУ наносіліся таксама ўдары авіяцыяй, беспілотнікамі і артылерыяй у 148 раёнах – па аб’ектах інфраструктуры ваенных аэрадромаў, пунктах часовай дыслакацыі ўкраінскіх фарміраванняў і замежных наёмнікаў.
За суткі сіламі і сродкамі СПА былі збіты чатыры кіраваныя авіяцыйныя бомбы JDAM амерыканскай вытворчасці, а таксама 230 БПЛА самалётнага тыпу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"