МІНСК, 28 кра – Sputnik. Медыягрупа "Россия сегодня" да 80-годдзя Перамогі ў Вялікай Айчыннай вайне запускае новы праект "Памяць. Сям'я. Перамога. 1941-1945", які дапаможа захаваць сямейныя фатаграфіі, паведаміла медыягрупа.
"Да 80-годдзя Перамогі ў Вялікай Айчыннай вайне медыягрупа "Россия сегодня" запускае новы праект "Памяць. Сям'я. Перамога. 1941-1945", які дапаможа захаваць сямейныя фатаграфіі. Наведвальнікі спецыяльнага сайта змогуць стварыць персанальны фотаальбом або плакат, дапоўнены ўнікальнай фотахронікай ваенных гадоў", - адзначылі ў прэс-службе.
Для стварэння фотаальбома ці плаката карыстальніку трэба выбраць шаблон афармлення і загрузіць здымкі той эпохі з хатняга архіва. Альбом можна дапоўніць кадрамі часоў Вялікай Айчыннай вайны.
Створаны макет будзе даступны ў паліграфічным фармаце, яго можна будзе раздрукаваць у любым прафесійным салоне.
На сайце праекта таксама можна пазнаёміцца з гісторыямі жыцця і работамі вядомых савецкіх фатографаў – ваенных карэспандэнтаў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"