МІНСК, 2 мая – Sputnik. Праз парты Астраханскай вобласці ў 2024 годзе было перавалена 240 тысяч тон беларускіх грузаў, паведаміў губернатар рэгіёна Ігар Бабушкін, перадае карэспандэнт Sputnik.
Ён нагадаў, што ў 2022 годзе расійскі бок прапанаваў выкарыстоўваць рэспубліцы партовыя магутнасці Астрахані для транзіту грузаў у краіны Паўднёва-Усходняй Азіі і Персідскага заліва.
"Той год (2022-ы - Sputnik) паказаў, што гэта перспектыўны напрамак (…) Цяпер мы 240 тысяч тон маем перавалкі грузаў праз нашы парты. Нядрэнная лічба ў параўнанні з 2023 годам, але разам з тым разумеем, што ёсць рост", - сказаў губернатар на сустрэчы з прэм’ер-міністрам Беларусі Аляксандрам Турчыным.
Паводле яго слоў, у астраханскіх партах створаны спецыяльныя ўмовы для транзіту такіх грузаў, як папера, дрэва, тэхніка, удабрэнні. А ў дадзены момант патэнцыяльныя магутнасці гаваней складаюць 16 млн тон.
"У мінулым годзе праз нашы парты было перавалена 6 млн тон – гэта абсалютны рэкорд за апошняе дзесяцігоддзе", - канстатаваў Ігар Бабушкін.
Кіраўнік рэгіёна праінфармаваў, што ствараюцца ўмовы для транзіту грузаў, напрыклад, зараз у порце Оля будуецца кантэйнерны тэрмінал магутнасцю 3 млн тон. Ён будзе ўведзены ў строй у 2026 годзе. Чакаецца, што да 2030-га магутнасці вырастуць да 8 млн тон.
"Таму нам ёсць што прапанаваць з пункту гледжання базы для перавалкі грузаў", - рэзюміраваў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"