МІНСК, 3 мая – Sputnik. Розніца ў аплаце працы мужчын і жанчын у Беларусі складае 6%, паведаміў Нацыянальны статыстычны камітэт рэспублікі.
Белстат падлічыў гендэрны разрыў у сярэднегадзіннай заработнай плаце, правёўшы выбарачнае абследаванне арганізацый па катэгорыях персаналу і групах заняткаў.
Розніцу аплаты працы ацанілі па двух напрамках: з улікам узроўню адукацыі, віду дзейнасці, стажу і іншых фактараў (скарэкціраваны гендэрны разрыў) і без уліку індывідуальных характарыстык (нескарэкціраваны).
У выніку скарэкціраваны паказчык гендэрнага разрыву ў аплаце працы, падлік якога праводзіўся ўпершыню ў 2024 годзе, склаў 6% на карысць мужчын. Нескарэкціраваны – 26,8% на карысць моцнага полу. У 2021 годзе розніцу ацанілі ў 24,3%.
Раней у Белстаце заяўлялі, што жанчыны ў Беларусі зарабляюць на 25% менш за мужчын. Звязана гэта з тым, што беларускі часцей за ўсё працуюць у сацыяльнай сферы, дзе сярэдні заробак ніжэй, чым у цэлым па рэспубліцы.
Топ-3 "жаночых" сфер дзейнасці ў апошнія гады выглядаў так:
ахова здароўя і сацыяльныя паслугі (84%);
адукацыя (83,7%);
фінансавая і страхавая дзейнасць (77,3%).
Сярод найменш запатрабаваных у жанчын сфер дзейнасці – горназдабыўная прамысловасць (19,8%) і будаўніцтва (14,1%).
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"