У рэпетыцыі парада прынялі ўдзел больш за 4 тысячы чалавек – гэта сувораўцы, кадэты, дэсантнікі, пагранічнікі, супрацоўнікі МНС, АМАП і СК, а таксама сувязісты, курсанты Ваеннай акадэміі, Акадэміі МУС і іншыя.
Упершыню ва ўрачыстым маршы будуць удзельнічаць кінолагі са сваімі чатырохногімі напарнікамі.
У пешай частцы парада прымуць таксама ўдзел разлікі з дружалюбных краін і сцягавыя групы з флагамі рэспублік СНД.
Пасля гэтага па праспекце Машэрава праедзе ваенная тэхніка ў складзе механізаваных калон. Гледачы ўбачаць танкі Т-34 і легендарныя "Кацюшы", а навінкай парада стануць тачанкі з кулямётамі.
Найноўшую тэхніку, якая стаіць на ўзбраенні беларускай арміі, таксама пакажуць на Парадзе Перамогі. У прыватнасці, танкі Т-72Б3, бронетранспарцёры БТР-82А, РСЗА "Паланэз", комплексы "Искандер", С-400, браніраваныя джыпы і многае іншае.
Другая генеральная рэпетыцыя парада адбудзецца 6 мая.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"