Новыя калекцыі адзення з сімваламі Перамогі павінны выклікаць вялікую цікавасць, заявіў журналістам пасол Расіі ў Беларусі Барыс Грызлоў, перадае карэспандэнт Sputnik.
"Гэта прынты (на вопратцы. - Sputnik), на якіх ёсць менавіта сімвалы Перамогі. Гэта і маршалы вайны, гэта і схемы бітваў, якія былі ў тым ліку ў Беларусі, вельмі важная бітва, аперацыя "Баграціён", - сказаў пасол.
Паказ новых мадэлей адзення прайшоў 6 мая ў мінскім Доме Масквы. На яго былі запрошаны прадстаўнікі дзяржаўных органаў Беларусі, дыпламаты, грамадскія і рэлігійныя дзеячы.
Модны паказ называўся "Галерэя Перамог". Яго арганізатары – філіял Расійскага дзяржаўнага сацыяльнага ўніверсітэта ў Мінску і "Школа дызайну" Гатчынскага дзяржаўнага ўніверсітэта (Ленвобласць).
Усяго былі прадстаўлены тры калекцыі. "Ордэн Перамогі" – гэта сукенкі, у якіх абыграны ордэны Перамогі і Славы, вечны агонь, легендарны вобраз "Радзімы-маці" з плаката і іншыя вядомыя сімвалы.
Іншая калекцыя называецца Veni, vidi, vici (прыйшоў, убачыў, перамог). На вопратцы намаляваны вялікія палкаводцы мінулага: ад Аляксандра Неўскага да Жукава. Пры стварэнні гэтай калекцыі студэнты двух згаданых ВНУ паглыбіліся ў гісторыю Расіі і Беларусі.
У фінале паказу была прадэманстравана калекцыя "Дарогі Перамог" прадукт сумеснай творчасці дзвюх ВНУ. Гэта дызайнерская інтэрпрэтацыя, – у тым ліку, і страт, якія былі ў гады вайны. Напрыклад, у адзенні адлюстравана тэма трагедыі ў Хатыні.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"