МІНСК, 7 мая – Sputnik. Адбылася тэлефонная размова прэм’ер-міністраў Беларусі і Расіі Аляксандра Турчына і Міхаіла Мішусціна, паведамілі ў прэс-службе беларускага ўрада ў сераду.
Паводле інфармацыі прэс-службы, прэм’еры абмяняліся віншаваннямі ў сувязі з 80-годдзем Перамогі ў Вялікай Айчыннай вайне. Пры гэтым яны падкрэслілі агульную гістарычную памяць і брацкія сувязі народаў дзвюх краін.
"Падчас размовы асаблівая ўвага была ўдзелена развіццю гандлёва-эканамічнага супрацоўніцтва, у тым ліку ў галіне энергетыкі і прамысловасці", - расказалі ў прэс-службе.
Таксама была адзначана важнасць паглыблення працэсаў інтэграцыі ў рамках Саюзнай дзяржавы.
Турчын і Мішусцін пацвердзілі ўзаемную зацікаўленасць у далейшым умацаванні стратэгічнага партнёрства РФ і Беларусі, паведамілі ў прэс-службе Саўміна.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"