МІНСК, 9 мая – Sputnik. Еўрасаюз фактычна трансфармаваўся з палітычнага і эканамічнага аб'яднання ў таталітарны ваенна-палітычны блок, заявіў прэзідэнт Беларусі Аляксандр Лукашэнка ў пятніцу падчас парада Перамогі, перадае Sputnik.
Ён адзначыў, што савецкія салдаты далі Еўропе ўрок, які, як здавалася, будзе засвоены.
"Але на самай справе заходнія эліты не навучаюцца. Еўрасаюз, які ствараўся як палітычнае і эканамічнае аб’яднанне, фактычна трансфармаваўся ў таталітарны ваенна-палітычны блок адкрыта рэваншысцкага настрою", - падкрэсліў Лукашэнка.
Паводле яго слоў, Брусель планамерна ператварае тэрыторыі Польшчы і Прыбалтыкі ў зыходныя раёны для атакі на ўсходніх рубяжах Паўночнаатлантычнага блока.
"У год 80-годдзя Вялікай Перамогі Еўрасаюз мае намер узняць аб’ёмы ваенных асігнаванняў на ўзроўні больш як 3% валавога ўнутранага прадукту дзяржаў Еўрасаюза. Варшава і Вільнюс маюць намер паставіць на межы з Беларуссю і Расіяй мінна-выбуховыя загароды", - нагадаў беларускі лідар.
Ён заклікаў перад тварам пагрозы фашызму, які адраджаецца, успомніць урокі Вялікай Айчыннай. "Вось для чаго нам патрэбна сёння гэтая Перамога і ўшаноўванне герояў", - падкрэсліў Лукашэнка.
Таксама ён удакладніў, што Беларусь заклікае да міру, але ў краіне рабілі і будуць рабіць усё неабходнае і нават больш для ўмацавання абароннага патэнцыялу краіны.
"Мы больш пад бізуном і ў лапцях хадзіць не хочам і не будзем!" - рэзюміраваў кіраўнік дзяржавы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"