МІНСК, 10 чэр – Sputnik. Крым прывёз у Беларусь дасягненні сваёй вінаробнай галіны, якімі ён можа па праве ганарыцца, сказаў саветнік-пасланнік пасольства РФ Пётр Фралоў.
Паводле яго слоў, сённяшняе мерапрыемства праходзіць у Доме Масквы ў беларускай сталіцы напярэдадні Дня Расіі, які адзначаецца 12 чэрвеня.
"Крым – гэта не толькі здраўніца і жытніца, але гэта і адзін з вядучых вінаробных рэгіёнаў Расіі", - нагадаў прадстаўнікам беларускіх бізнес-колаў Пётр Фралоў.
Саветнік-пасланнік пасольства РФ Пётр Фралоў
© Sputnik / Виктор Толочко
Пры гэтым ён акцэнтаваў увагу на тым, што сёння на дэгустацыйным сэце прэзентаваны ўсе дасягненні вінаробнай галіны Крыма, якімі ён можа ганарыцца.
Аўтахтонныя сарты
У сваю чаргу першы намеснік пастаяннага прадстаўніка Рэспублікі Крым пры прэзідэнце РФ Міхаіл Саломенцаў нагадаў, што самым старажытным антычным рэгіёнам Расіі з’яўляецца якраз Крым.
"Вінаробства развівалася ў Крыме з эпохі антычнасці: да гэтага часу знаходзяць амфары, у якіх захоўвалася віно. Многія мясцовыя сарты вінаграду бяруць свой пачатак з гэтых старажытных часоў", - асабліва адзначыў ён.
Першы намеснік пастаяннага прадстаўніка Рэспублікі Крым пры прэзідэнце РФ Міхаіл Саломенцаў
© Sputnik / Виктор Толочко
Па словах Міхаіла Саломенцава, клімат паўвострава Крым з’яўляецца адным з найбольш аптымальных і здаровых сярод многіх краін ва ўсім свеце.
"Вінаград любіць гэтую глебу, вінаград любіць гэтае надвор’е. Мы ганарымся тым, што наша віно з’яўляецца сапраўдным прадуктам з вінаграду. Аўтахтонныя крымскія сарты вінаграда не сустракаюцца больш нідзе", - падкрэсліў ён.
Крымская якасць
Паводле слоў намесніка міністра сельскай гаспадаркі Рэспублікі Крым Уладзіміра Ана, крымскія вінаробы праяўляюць цікавасць да беларускага рынку.
Намеснік міністра сельскай гаспадаркі Рэспублікі Крым Уладзімір Ан
© Sputnik / Виктор Толочко
"Крым сярод паўднёвых рэгіёнаў Расіі з’яўляецца адным з лідараў вінаробнай галіны, таму нас цікавіць рэалізацыя і экспарт нашай прадукцыі", - удакладніў крымскі чыноўнік.
Пры гэтым ён звярнуў увагу, што Крым зацікаўлены ў супрацоўніцтве і развіцці гандлёвых адносін з Беларуссю як з саюзнай дзяржавай.
Уладзімір Ан сказаў, што беларуская прадукцыя таксама шырока прадстаўлена на рынку Рэспублікі Крым, таму хацелася б, каб і крымскія вытворцы маглі дастаўляць сваю прадукцыю ў Беларусь.
Прэзентацыя крымскіх він у Доме Масквы
© Sputnik / Виктор Толочко
"Якасць прадукцыі, якая вырабляецца ў Рэспубліцы Крым, сярод іншых суб’ектаў Расійскай Федэрацыі з’яўляецца адной з самых лепшых", - упэўнен намеснік міністра сельскай гаспадаркі.
Ён дадаў, што вялікая колькасць сонечных дзён робіць садавіну, агародніну і віно з Крыма асаблівымі па якасці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"