МІНСК, 20 чэр – Sputnik. Міністр эканомікі Беларусі Юрый Чабатар абмеркаваў з намеснікам кіраўніка Мінэканамразвіцця РФ Дзмітрыем Вольвачам і дзяржсакратаром Саюзнай дзяржавы Сяргеем Глазьевым эфектыўнасць рэалізацыі саюзных праграм, паведаміла прэс-служба беларускага ведамства.
"Юрый Чабатар правёў сустрэчу з намеснікам міністра эканамічнага развіцця РФ Дзмітрыем Вольвачам і дзяржсакратаром Саюзнай дзяржавы Сяргеем Глазьевым", - гаворыцца ў паведамленні.
Паводле інфармацыі Мінэканомікі, у ходзе сустрэчы абмяркоўвалася пытанне падрыхтоўкі прагнозу сацыяльнага і эканамічнага развіцця Саюзнай дзяржавы.
Асобна бакі закранулі такую тэму, як падыходы да ацэнкі эфектыўнасці праграм, якія рэалізуюцца пад эгідай Саюзнай дзяржавы.
Раней Глазьеў у ходзе выступлення на круглым стале на ПМЭФ паведаміў, што за гады існавання Саюзнай дзяржавы было рэалізавана больш як 60 праграм.
Паводле яго слоў, дзякуючы гэтым праграмам былі створаны новыя вытворчасці і цэлыя галіны, якія паспяхова працуюць цяпер.
Дзяржсакратар заклікаў і ў далейшым удзяляць увагу прамысловай кааперацыі і займацца пашырэннем узаемнага гандлю, каб утрымаць высокія тэмпы росту эканомікі, якія назіраюцца апошнія чатыры гады.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"