МІНСК, 20 чэр – Sputnik. Расія і Украіна сумесна вызначаць дату трэцяга раунда перагавораў, пра гэта на палях ПМЭФ паведаміў прэс-сакратар прэзідэнта РФ Дзмітрый Пяскоў.
"Дата будзе вызначана сумесна. Два бакі – расійскі і ўкраінскі – будуць вызначаць", - цытуе словы Пяскова РІА Навіны.
Раней Пяскоў паведаміў, што Масква спадзяецца на ўзгадненне новай даты перагавораў на наступным тыдні. Ён адзначыў, што перагаворшчыкам неабходна будзе "супаставіць рэакцыю бакоў" на праекты мемарандумаў па завяршэнні канфлікту, якімі бакі абмяняліся падчас другога раунда перагавораў у Стамбуле.
Два раўнды перагавораў і іх вынікі
Прамыя перагаворы Расіі і Украіны былі адноўлены ў Стамбуле 16 мая пасля трохгадовага перапынку, ініцыятарам іх правядзення выступіла Масква. Тады бакі дамовіліся аб маштабным абмене палоннымі ў фармаце "тысяча на тысячу".
Таксама 16 мая дэлегацыі дамовіліся ў кароткія тэрміны падрыхтаваць і абмяняцца мемарандумамі са сваім бачаннем мірнага ўрэгулявання.
Другі раунд перагавораў РФ і Украіны прайшоў 2 чэрвеня. Сустрэча адбылася ў палацы Чыраган у Стамбуле і доўжылася больш за гадзіну. У ходзе яе бакі абмяняліся мемарандумамі па ўрэгуляванні канфлікту, дамовіліся аб самым маштабным абмене палоннымі. Расія таксама прапанавала спыненне агню на два-тры дні на канкрэтных участках, каб сабраць целы загінулых.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"