МІНСК, 21 чэр – Sputnik. Народная артыстка Расіі Валянціна Талызіна памерла ва ўзросце 90 гадоў, аб гэтым у суботу паведамілі ў Тэатры Массавета.
"Тэатр Массавета з найглыбейшым смуткам паведамляе, што сёння, 21 чэрвеня 2025 года, не стала народнай артысткі Расіі Валянціны Іларыёнаўны Талызінай", - гаворыцца ў паведамленні.
Адзначаецца, што ўвесь творчы лёс Валянціны Талызінай быў звязаны з Тэатрам Массавета, у трупе якога яна іграла адразу пасля заканчэння "ГИТИСа" ў 1968 годзе. Талызіна за сваю кар’еру сыграла больш за 40 цэнтральных і галоўных роляў на сцэне тэатра.
Талызіна таксама сыграла каля 100 роляў у кіно і тэлефільмах, якія сталі папулярнымі ў некалькіх пакаленняў гледачоў. Адны з самых запамінальных роляў Талызінай – у фільмах "Путь в Сатурн", "Старики-разбойники", "Ирония судьбы, или С легким паром", "Афоня" і іншыя.
У тэатры адзначылі, што да апошняга часу Талызіна працягвала іграць на сцэне, а свой 90-гадовы юбілей актрыса адзначыла, іграючы Графіню ў "Ваўках і авечках", і гледачы сустрэлі яе бурнымі авацыямі.
Калектыў тэатра выказаў спачуванні родным і блізкім Валянціны Талызінай, адзначыўшы, што яе сыход з жыцця – вялізная страта для расійскай культуры.
Аб месцы і часе развітання з артысткай будзе паведамлена дадаткова.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"