МІНСК, 23 чэр – Sputnik. Па выніках пасяджэння праўлення Нацыянальнага банка Беларусі, вырашана павысіць стаўку рэфінансавання - з 9,5% да 9,75% з 25 чэрвеня, паведамляе прэс-служба Нацбанка.
Таксама павышаюцца стаўкі па пастаянна даступных аперацыях падтрымкі ліквіднасці (крэдыт овернайт, СВОП овернайт) і двухбаковым аперацыях падтрымкі ліквіднасці (ламбардныя крэдыты па фіксаванай стаўцы і здзелкі СВОП) да 11, 25%. Гэта значыць, ва ўсіх выпадках павышэнне складае 25 базісных пунктаў.
Як растлумачылі ў Нацбанку, стаўкі павышаюць для нівелявання пэўных рызык.
"Нягледзячы на захаванне станоўчай дынамікі эканамічнага росту, узмацняецца макраэканамічны дысбаланс, выкліканы нарошчваннем разрыву паміж тэмпамі росту прадукцыйнасці працы і заработнай платы", – канстатуе рэгулятар.
Па гэтай прычыне, у краіне ўзмацняецца макраэканамічны дысбаланс. Рэгулятар падкрэсліў, што рост заробкаў вядзе да павелічэння спажывання. Як следства, расце і спажывецкі імпарт. Ён павялічыўся на 14,5 працэнта ў студзені-красавіку 2025 года.
"Рост даходаў павышае крэдытаздольнасць грамадзян, што, у сваю чаргу, вядзе да павышанага попыту на імпартныя тавары працяглага карыстання", - адзначылі ў Нацыянальным банку.
Таксама ёсць "устойлівы прафіцыт ліквіднасці ў банкаўскай сістэме і рост грашовай масы ў гадавым выражэнні" на ўзроўні вышэй за 15%. У такой сітуацыі Нацбанк вырашыў павысіць прывабнасць зберажэнняў, а значыць і нарасціць рэсурсную базу для інвестыцый.
Папярэдні раз Нацбанк мяняў стаўку рэфінансавання два гады таму. З 28 чэрвеня 2023 года яна паніжалася з 9, 75% да 9, 5%. Гістарычны мінімум быў у 2020 годзе, калі з 1 ліпеня яна была ўстаноўлена на ўзроўні 7,75 працэнта і трымалася на такім узроўні да 21 красавіка 2021 года (паднята да 8,5 працэнта).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"