МІНСК, 24 чэр – Sputnik. Захад вымольвае для Украіны перамір'е без дадатковых умоў, заявіў кіраўнік МЗС РФ Сяргей Лаўроў.
Выступаючы ў аўторак на XI Міжнародным навукова-экспертным форуме "Примаковские чтения", міністр замежных спраў нагадаў, што ўсё пачыналася з заяў аб тым, што Расіі трэба нанесці стратэгічнае паражэнне на полі бою.
"Крычалі (пра гэта. - Sputnik) проста, да істэрыкі. Праз нейкі час лозунг змяніўся, і ўжо сталі голасна заяўляць аб тым, што Расія не павінна перамагчы ва Украіне", - сказаў міністр.
Пасля чаго дадаў, што зараз краіны Захаду змянілі палітыку: "патрабуюць, просяць, вымольваюць неадкладнае перамір’е без папярэдніх умоў".
"Гэта роўна тое, ад чаго Зяленскі пару гадоў таму катэгарычна адмаўляўся, калі яшчэ жыў і працаваў пад лозунгам стратэгічнага паражэння на полі бою", - звярнуў увагу расійскі міністр замежных спраў.
Кіраўнік расійскага знешнепалітычнага ведамства нагадаў, што Масква не мяняла падыходы да ўрэгулявання гэтага крызісу, а на Пецярбургскім міжнародным эканамічным форуме, які нядаўна прайшоў, прэзідэнт РФ Уладзімір Пуцін яшчэ раз падрабязна іх пацвердзіў. Паводле яго слоў, заходнія лідары пастаянна мяняюць свае падыходы, што адлюстроўвае "ўвогуле, правал усіх іх першапачатковых задум".
"Примаковские чтения" – штогадовы форум, які праходзіць з 2015 года ў памяць аб расійскім дзяржаўным дзеячы, дыпламаце Яўгеніі Прымакаве.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"