МІНСК, 26 чэр – Sputnik. Прафіцыт бюджэту Саюзнай дзяржавы з’яўляецца тэхнічным пытаннем, сказаў дзяржаўны сакратар Саюзнай дзяржавы Сяргей Глазьеў на палях форуму ЕАЭС у Мінску.
Паводле яго слоў, бюджэт Саюзнай дзяржавы – гэта каштарыс расходаў.
"Адпаведна тыя мерапрыемствы, якія не рэалізуюцца ў бягучым годзе, не могуць быць замешчаны іншымі мерапрыемствамі без змянення бюджэту", - канстатаваў дзяржсакратар Саюзнай дзяржавы.
Глазьеў дадаў, што Пастаянны Камітэт "кожны раз выходзіць на Савет Міністраў для таго, каб змяніць прыярытэты, пад іх падстроіць бюджэтнае планаванне ў выпадку зменлівай сітуацыі".
Пры гэтым ён звярнуў увагу, што Пастаянны камітэт мае абмежаваныя магчымасці накіроўваць зэканомленыя сродкі на іншыя мэты.
"Таму і ўзнікае прафіцыт. Гэта тэхнічнае пытанне", - растлумачыў Глазьеў.
IV Еўразійскі эканамічны форум праходзіць 26 і 27 чэрвеня ў Мінскім міжнародным выставачным цэнтры. На мерапрыемствы форуму зарэгістраваліся больш за 2,7 тысячы чалавек, якія ўдзельнічаюць у афлайн і анлайн-фармаце.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"