НІЖНІ НОЎГАРАД, 27 чэр – Sputnik. Прэзідэнты Беларусі і Расіі Аляксандр Лукашэнка і Уладзімір Пуцін звярнуліся з прывітальным словам да ўдзельнікаў XI Форуму рэгіёнаў Беларусі і Расіі, перадае Sputnik.
Расійскі лідар адзначыў, што сустрэча прадстаўнікоў рэгіёнаў дзвюх краін сталі па-сапраўднаму добрай традыцыяй.
"На гэты раз на Форум прыехалі больш за 800 дэлегатаў з 79 суб’ектаў Расійскай Федэрацыі і ўсіх беларускіх абласцей", - сказаў кіраўнік дзяржавы.
Ён падзякаваў усім за рэальны адчувальны ўклад, які ўносіцца ў далейшае ўмацаванне стратэгічнага партнёрства Беларусі і Расіі.
Пуцін падкрэсліў важнасць таго, што практычна ўсе суб’екты Расіі і вобласці Беларусі ўдзельнічаюць у рэалізацыі шматлікіх узаемавыгадных сумесных праектаў.
"На Расію, як галоўнага эканамічнага партнёра Беларусі, ужо прыпадае каля 60% знешнегандлёвага абароту балансу рэспублікі. У мінулым годзе тавараабарот абнавіў гістарычны максімум і перавысіў 50 млрд долараў. Па назапашаных капіталаўкладаннях у беларускую эканоміку Расія трывала ўтрымлівае першае месца – каля 5 млрд долараў", - удакладніў прэзідэнт.
Паводле яго слоў, па выніках сустрэчы ў Ніжнім Ноўгарадзе запланаваны да падпісання каля 100 камерцыйных кантрактаў на агульную суму 20 млрд рублёў.
Прэзідэнт нагадаў, што ў Саюзнай дзяржаве рэалізуецца профільная "дарожная карта" ў сферы маладзёжнай палітыкі да 2027 года, актыўна развіваюцца сувязі паміж ВНУ. Таксама кіраўнік расійскай дзяржавы звярнуў увагу на важнасць таго, каб моладзь ведала праўду аб Вялікай Айчыннай вайне.
"І вельмі важна, каб маладыя пакаленні ведалі праўду аб бяссмертным подзвігу сваіх бацькоў, дзядоў і прадзедаў", - дадаў ён.
У сваім слове прэзідэнт Беларусі Аляксандр Лукашэнка выказаў упэўненасць, што Форум сабраў ініцыятыўных, таленавітых і адданых сваёй зямлі людзей.
"Будучыня нашых краін – у руках маладога пакалення. Менавіта ад яго залежыць месца і роля Беларусі і Расіі на будучай геапалітычнай карце", - сказаў ён.
Паводле слоў кіраўніка беларускай дзяржавы, трэба падрыхтаваць дастойную змену з маладых і амбіцыйных, якія ўмеюць думаць і дзейнічаць на апярэджанне. Прэзідэнт дадаў, што сучасная моладзь расце ў свеце, дзе вядзецца непрыкрытая гібрыдная вайна супраць народаў РФ і Беларусі, гісторыі, традыцыйных каштоўнасцей і ідэалаў.
"Таму нам неабходна засцерагчы маладое пакаленне ад навязвання лжывых сэнсаў. Мы павінны ўпэўнена паказваць, праз што нам прыйшлося прайсці на шляху да суверэнітэту, бяспечнага і стваральнага жыцця ў нашых дзяржавах", - падкрэсліў Лукашэнка.
Беларускі лідар звярнуў увагу на тое, што Форум рэгіёнаў за гады працы даказаў сваю эканамічную эфектыўнасць, у выніку чаго былі падпісаны сотні пагадненняў і камерцыйных кантрактаў, агульныя сумы якіх супастаўныя з бюджэтамі асобных краін.
Прэзідэнт назваў важным пашырэнне рэгіянальных сувязей, стварэнне новых сумесных вытворчасцей.
Форум рэгіёнаў
Чарговы, дванаццаты па ліку, Форум рэгіёнаў Беларусі і Расіі прымае сёлета Ніжні Ноўгарад. Асноўная праграма форуму стартавала 26 чэрвеня і завершыцца 27 чэрвеня. У пятніцу праходзіць пленарнае пасяджэнне, у якім прымае ўдзел каля 700 чалавек.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"