Традыцыйнае свята выпускнікоў "Алые паруса" прайшло ў Санкт-Пецярбургу ў акваторыі Нявы вечарам у нядзелю і завяршылася грандыёзным водна-піратэхнічным шоу, кульмінацыяй стала праходжанне па рацэ брыга "Россия" пад пунсовымі ветразямі.
Сёлета судна ішло новым маршрутам – ад Сенацкай плошчы праз разведзены створ Палацавага моста ўздоўж Палацавай набярэжнай, затым брыг здзейсніў разварот на 360 градусаў каля Зімовай канаўкі і працягнуў плаванне ў бок Траецкага моста.
За грандыёзным шоу разам з выпускнікамі-расіянамі назіралі і госці з Беларусі – 60 юнакоў і дзяўчат, якія скончылі сёлета школы ў Мінску, Гомелі, Віцебску, Гродне і Магілёве, іх паездку ў Санкт-Пецярбург арганізавала расійскае пасольства ў Мінску.
Дзеці сустрэліся з аднагодкамі з розных краін і наведалі славутасці паўночнай сталіцы Расіі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"