МІНСК, 1 ліп – Sputnik. Медыягрупа "Россия сегодня" патрабуе неадкладна вызваліць супрацоўнікаў Sputnik Азербайджан, аб гэтым заявіла прэс-служба медыягрупы.
Sputnik Беларусь прыводзіць увесь тэкст заявы прэс-службы.
Напярэдадні праваахоўныя органы Азербайджана затрымалі па надуманых абвінавачваннях семярых супрацоўнікаў Sputnik Азербайджан, у тым ліку кіраўніка рэдакцыі Ігара Картавых і шэф-рэдактара Яўгена Белавусава.
Цяпер з затрыманымі няма ніякай сувязі. Другія суткі да журналістаў не дапускаюць ні консульскіх работнікаў, ні сваякоў.
МІА "Россия сегодня" патрабуе беспярэчнага выканання заканадаўства з боку праваахоўных органаў Азербайджана і неадкладнага вызвалення людзей, якія выконвалі свой прафесійны абавязак.
"Аперацыя" ў офісе Sputnik
У панядзелак у офіс Sputnik Азербайджан прыйшлі сілавікі, пасля чаго былі затрыманы шэф-рэдактар агенцтва Яўген Белавусаў і кіраўнік рэдакцыі Ігар Картавых – паводле інфармацыі мясцовых СМІ, іх абвінавачваюць у тым, што яны нібыта з’яўляюцца "агентамі ФСБ".
Увечары стала вядома, што азербайджанскія праваахоўнікі затрымалі рэдактара відэаагенцтва Ruptly, якая была ў Баку з прыватным візітам.
У аўторак прэс-сакратар прэзідэнта РФ Дзмітрый Пяскоў заявіў, што ў Крамлі ўважліва ставяцца да інфармацыі аб затрыманні супрацоўнікаў Sputnik Азербайджан і Ruptly і разлічваюць, што ў найбліжэйшы час атрымаецца дабіцца іх вызвалення.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"