У "России сегодня" пракаменціравалі дзеянні сілавікоў у дачыненні да Sputnik

МІНСК, 1 ліп – Sputnik. У медыягрупе "Россия сегодня" глыбока занепакоены затрыманнем у Баку двух расійскіх грамадзян, кіраўнікоў Sputnik Азербайджан, заявілі ў прэс-службе медыягрупы.

Sputnik Беларусь прыводзіць поўны тэкст заявы.

У "России сегодня" глыбока занепакоены затрыманнем у Баку двух расійскіх грамадзян, кіраўнікоў Sputnik Азербайджан. Разам з імі былі таксама затрыманы некалькі супрацоўнікаў рэдакцыі – грамадзян Азербайджана.

Абвінавачанні ім не прад’яўлены, допуск консульскіх супрацоўнікаў да грамадзян Расіі не забяспечаны, паводле наяўнай інфармацыі, у кватэры кіраўніка рэдакцыі Ігара Картавых праведзены вобыск, канфіскавана камп’ютарная тэхніка.

Усе гэтыя дзеянні не маюць пад сабой ніякіх падстаў і прывялі да блакіравання работы Sputnik Азербайджан.

Трэба адзначыць, што здароўе Ігара Картавых выклікае павышаную трывогу. Яму патрабуецца лекі, у тым ліку інсулін.

Заклікаем азербайджанскія ўлады да неадкладнага ўрэгулявання непрымальнай сітуацыі і вызвалення нашых калег.

"Аперацыя" ў офісе Sputnik

У панядзелак у офіс Sputnik Азербайджан прыйшлі сілавікі, пасля чаго былі затрыманы шэф-рэдактар агенцтва Яўген Белавусаў і кіраўнік рэдакцыі Ігар Картавых – паводле інфармацыі мясцовых СМІ, іх абвінавачваюць у тым, што яны нібыта з’яўляюцца "агентамі ФСБ".

Вечарам стала вядома, што азербайджанскія праваахоўнікі затрымалі рэдактара відэаагенцтва Ruptly, якая была ў Баку з прыватным візітам.

У аўторак прэс-сакратар прэзідэнта РФ Дзмітрый Пяскоў заявіў, што ў Крамлі ўважліва ставяцца да інфармацыі аб затрыманні супрацоўнікаў Sputnik Азербайджан і Ruptly і разлічваюць, што ў найбліжэйшы час атрымаецца дабіцца іх вызвалення.

Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

Кісялёў назваў несправядлівым тое, што адбываецца са Sputnik у Баку

1 ліпеня, 09:27