МІНСК, 3 ліп – Sputnik. Чалавек заўсёды можа і павінен супрацьстаяць злу, заявіў прэзідэнт Беларусі Аляксандр Лукашэнка на цырымоніі ў мемарыяльным комплексе "Курган Славы", перадае карэспандэнт Sputnik.
"Прыклад нашых гераічных продкаў паказвае, што за будучае трэба змагацца. Чалавек заўсёды можа і павінен супрацьстаяць злу, якое бы моцнае і вытанчанае не было гэтае зло", - сказаў кіраўнік дзяржавы.
Ён адзначыў, што сёння свет знаходзіцца на крутым пераломе, і ніхто не ведае, з чым давядзецца сутыкнуцца заўтра.
"Вы бачыце, што робіцца вакол нас. Захад зноў вырашыў усе свае даўгі і праблемы спаліць у сусветным пажары. І адначасова спаліць некалькі мільёнаў жыхароў нашай планеты", - дадаў прэзідэнт.
Лукашэнка падкрэсліў: людзям добрай волі і найперш моладзі трэба аб’яднацца і "спыніць вар’ятаў у імя будучыні ўсяго чалавецтва".
Найвялікшыя каштоўнасці
Кіраўнік дзяржавы асабліва адзначыў, што ў Беларусі ганарацца ветэранамі і ўсімі, "хто падарыў нам магчымасць жыць і працаваць на сваёй зямлі".
"Нам трэба што б там ні было захаваць і перадаць будучым пакаленням веру ў пераможны дух продкаў, уласныя сілы і тое, што разам мы справімся з любымі выклікамі. Нам ні ў якім разе нельга страціць гэтую Перамогу, гэта годнасць нашага народа, гэта прыкмета яго велічы і такія факты ў гісторыі не страчваюцца", - сказаў прэзідэнт.
Мір, свабода і незалежнасць – гэта спадчына беларусаў і найвялікшыя каштоўнасці. Іх трэба берагчы і абавязкова бараніць, сказаў прэзідэнт.
"Калі мы ўсе разам прасякнемся гэтым пачуццём, мы захаваем нашу краіну – ціхую, спакойную, пад мірным блакітным небам", - перакананы беларускі лідар.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"