МІНСК, 7 ліп – Sputnik. Агенцтва Sputnik Азербайджан працавала ў Баку законна і па дамоўленасці з уладамі, паведаміў генеральны дырэктар медыягрупы "Россия сегодня" Дзмітрый Кісялёў у эфіры тэлепраграмы "Вести недели".
Паводле яго слоў, да нядаўняга часу стратэгічнае саюзніцтва ішло на карысць не толькі Маскве і Баку, але і было важным фактарам для рэгіянальнай і сусветнай бяспекі.
Кісялёў са шкадаваннем адзначыў, што заўсёды знойдуцца тыя, хто хоча распаліць у адносінах дзвюх дзяржаў вогнішча або нашкодзіць.
Пры гэтым ён выказаў надзею, што Расіі і Азербайджану ўдасца пераадолець існуючую сітуацыю ў двухбаковых адносінах, каб выйсці яшчэ больш моцнымі.
"Пакуль у Баку пад арыштам, як мерай стрымання, знаходзяцца двое расійскіх журналістаў. Кіраўнік рэдакцыі Sputnik Азербайджан Ігар Картавых і шэф-рэдактар Яўген Белавусаў", - нагадаў гендырэктар медыягрупы.
Ён дадаў, што гэтыя людзі – сумленныя прафесіяналы, пра што гаворыць іх кар’ера, а затрымалі журналістаў дэманстратыўна жорстка, як прынята абыходзіцца з асабліва небяспечнымі тэрарыстамі".
"Для нас у медыягрупе "Россия сегодня", чыім падраздзяленнем з’яўляецца інфармацыйнае агенцтва Sputnik, ад якога да гэтага часу працаваў медыяцэнтр у Баку, тое, што здарылася, стала нечаканасцю", - канстатаваў Кісялёў.
Праца па дагаворы
Ён расказаў, што пасля таго, як у пачатку года ўзніклі фармальныя пытанні па афармленні дакументаў і акрэдытацыі, у Маскву прыбыў прадстаўнік прэзідэнта Азербайджана па асобых даручэннях Халаф Халафаў.
"Восьмага красавіка мы сустрэліся на перагаворах у расійскім МЗС, дзе расійскую дэлегацыю ўзначальваў намеснік міністра замежных спраў Міхаіл Галузін. Тады дамовіліся, што па рабоце Sputnik Азербайджан будзе заключана спецыяльнае міжурадавае пагадненне", - асабліва адзначыў гендырэктар медыягрупы.
Кісялёў дадаў, што да заключэння падобнага пагаднення медыяцэнтр павінен быў працягваць сваю працу па часовай схеме, якую прапануе сам Азербайджан.
"І раптам як снег на галаву. Якіх-небудзь заўваг, па сутнасці, да працы нашай рэдакцыі не было. Такое адчуванне, што мы трапілі ў жорны нейкай іншай гульні, да якой мы адносін не маем", - падсумаваў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"