Выстава "Иннопром-2025" пачала работу ў Екацярынбургу ў панядзелак, 7 ліпеня, яна працягнецца да чацвярга, 10 ліпеня. На ёй чакаюць афіцыйныя дэлегацыі больш як з 50 краін, уключаючы Кітай, Індыю, ААЭ, Пакістан, Егіпет, Таджыкістан, Казахстан і іншыя. Тэмай выставы сёлета заяўлена "Тэхналагічнае лідарства: індустрыяльны прарыў", у якасці краіны-партнёры выступае Саудаўская Аравія.
Беларусь удзельнічае ў выставе "Иннопром" у Екацярынбургу з 2012 года, у 2023 у яе быў ганаровы статус краіны-партнёра. Выставачны стэнд беларускай экспазіцыі сёлета займае 280 квадратных метраў, на ім можна ўбачыць натурны ўзор сядзельнага цягача МАЗ, макет унікальнага трактара-беспілотніка ад ААТ "МТЗ", мадэлі нізкападлогавага аднасекцыйнага трамвая, электробусаў серый "Vitovt" і "Альгерд", распрацоўкі найбуйнейшага беларускага вытворцы электратранспарту – ААТ "ККХ "БКМ" і многае іншае.
Міжнародную выставу ў Свярдлоўскай вобласці наведвае міністр прамысловасці Беларусі Андрэй Кузняцоў, у яго запланавана серыя перагавораў, удзел у цэнтральных мерапрыемствах дзелавой праграмы форуму.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"