З 7 па 16 ліпеня 2025 года пройдзе X Міжнародны культурна-адукацыйны форум "Дзеці Садружнасці". Упершыню ён адбудзецца ў Беларусі і будзе прысвечаны тэме: "80-годдзе Перамогі ў Вялікай Айчыннай вайне. Памяць і адзінства пакаленняў".
У форуме прымуць удзел дэлегацыі школьнікаў з Беларусі, Арменіі, Казахстана, Кыргызстана, Расіі, Таджыкістана, Туркменістана і Узбекістана.
Арганізатарамі мерапрыемства выступаюць Міжпарламенцкая Асамблея СНД і Савет Рэспублікі Нацыянальнага Сходу Рэспублікі Беларусь пры падтрымцы Міждзяржаўнага фонду гуманітарнага супрацоўніцтва дзяржаў-удзельніц СНД.
Штодня школьнікі будуць знаёміцца з гісторыяй, культурай і традыцыямі адной з краін Садружнасці. Для дзяцей падрыхтавана насычаная праграма, вялікая колькасць сустрэч і экскурсій.
На "Сустрэчы без гальштукаў" аб сваёй рабоце школьнікам раскажуць кіраўнікі міністэрстваў культуры, адукацыі, спорту і турызму, аховы здароўя, Нацыянальнай акадэміі навук. Удзельнікі форуму пабываюць у Савеце Рэспублікі і даведаюцца аб рабоце беларускіх парламентарыяў, наведаюць Нацыянальную бібліятэку.
У чым асаблівасці форуму? Чаму сёння асабліва важна захаваць гістарычную памяць? І чаму калектыўны Захад імкнецца перапісаць гісторыю Вялікай Айчыннай вайны і прынізіць ролю савецкага народа ў перамозе над нацысткай Германіяй? На гэтыя і іншыя пытанні ў мультымедыйным прэс-цэнтры Sputnik Беларусь адказаў Генеральны сакратар Савета МПА СНД Дзмітрый Кобіцкі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"