ВІЦЕБСК, 10 ліп – Sputnik. Прыняцце саюзных праграм плануецца спрасціць, паведаміў на сумесным пасяджэнні некалькіх камісій Парламенцкага сходу ў Віцебску дзяржсакратар Саюзнай дзяржавы Беларусі і Расіі Сяргей Глазьеў, перадае карэспандэнт Sputnik.
Глазьеў растлумачыў сутнасць будучага спрашчэння. Трэба будзе адабрэнне праграмы ад прадстаўнікоў усіх ведамстваў.
"І, калі яна (саюзная праграма - Sputnik) адпавядае патрабаванням, то не трэба яшчэ паўторна ўзгадненне па ўсіх міністэрствах, ведамствах, а адразу перадаваць (на рэалізацыю - Sputnik)", - сказаў Глазьеў.
Дзяржсакратар прыняў удзел у сумесным пасяджэнні некалькіх камісій Парламенцкага сходу Саюза Беларусі і Расіі ў Віцебску. Сярод тэм, якія абмяркоўваліся на пасяджэнні, – прыгранічнае супрацоўніцтва Віцебскай вобласці Беларусі з Пскоўскай і Смаленскай абласцямі Расіі.
Таксама парламентарыі хочуць зразумець, як можна выкарыстоўваць для прамкааперацыі дзвюх краін свабодную эканамічную зону "Віцебск". Яшчэ адно пытанне – укараненне і камерцыялізацыя саюзных праграм.
Акрамя таго, на пасяджэнні абмяркоўваліся саюзнае фінансаванне фестывалю "Славянскі базар у Віцебску", бюджэт Саюзнай дзяржавы на наступны год і стандартызацыя ў сферы дзіцячага харчавання.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"