Мінулай ноччу на Магілёўшчыну абрынуўся навальнічны фронт са шквалістым ветрам. У абласным цэнтры вецер паваліў дрэвы, знёс рэкламныя канструкцыі, пашкодзіў дахі. Частка горада ў выніку разгулу стыхіі засталася без святла. Уначы дрэвам прыціснула жанчыну, ад атрыманых траўм яна памерла на месцы, яшчэ чатырох жыхароў горада даставілі ў бальніцу з траўмамі, сярод іх – адно дзіця.
Як паведамілі ў Міністэрстве лясной гаспадаркі, нанесены ўрон лясному фонду Магілёўскага і Быхаўскага раёнаў. Цяпер супрацоўнікі мясцовых лясгасаў пры падтрымцы калег з суседніх раёнаў ліквідуюць наступствы непагадзі. У Магілёве да ўборкі дрэў, якія ўпалі, падключыліся і супрацоўнікі Следчага камітэта. "Для аказання дапамогі гораду накіраваны вальшчыкі лесу і тэхніка Бялыніцкага, Чавускага, Быхаўскага, Клічаўскага лясгасаў", - удакладнілі ў Мінлясгасе.
Як выглядаюць пацярпелыя раёны, глядзіце ў фотагалерэі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"