МІНСК, 15 ліп – Sputnik. "Беларуская вёска", якая адкрылася ў Санкт-Пецярбургу, стала такой жа папулярнай, як і McDonald’s у 1990 годзе ў Маскве, паведаміў журналістам губернатар горада на Няве Аляксандр Беглоў, перадае РІА Навіны.
"Ведаеце, які там вялікі ажыятаж на сённяшні дзень? Я там пабываў, паглядзеў. Гэта супастаўна з тым ажыятажам, калі ўпершыню ў 1990-х гадах у Маскве адкрыўся McDonald’s. Дзе зараз McDonald’s? А прадукты з Беларусі ёсць", - сказаў ён.
Культурна-гастранамічная прастора "Беларуская вёска" адкрылася ў Паўночнай сталіцы Расіі 3 ліпеня. Там прадстаўлены малочная і мясная прадукцыя, традыцыйныя далікатэсы, а таксама вырабы з лёну і фарфору. У цырымоніі адкрыцця новай гастранамічнай зоны прынялі ўдзел пасол Беларусі ў РФ Аляксандр Рагожнік і намеснік міністра замежных спраў Павел Уцюпін.
Першы рэстаран McDonald’s у СССР адкрыўся 31 студзеня 1990 года ў Маскве на Пушкінскай плошчы. У першы дзень працы ўстанова амерыканскай сеткі прыняла каля 30 тысяч наведвальнікаў.
Губернатар Санкт-Пецярбурга Аляксандр Бяглоў знаходзіцца з візітам у Беларусі з 14 па 15 ліпеня. Ён сустрэўся з прэзідэнтам краіны Аляксандрам Лукашэнкам, прэм’ер-міністрам Аляксандрам Турчыным, наведаў шэраг беларускіх прадпрыемстваў, а ў аўторак правядзе перагаворы са старшынёй Мінгарвыканкама Уладзімірам Кухаравым.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"