МІНСК, 7 жні – Sputnik. Беларусь бачыць вялікі патэнцыял для пашырэння ўзаемадзеяння з Рэспублікай Кот-д’Івуар, гаворыцца ў віншаванні беларускага лідара Аляксандр Лукашэнка з нагоды Дня незалежнасці гэтай краіны.
Прэзідэнт Беларусі ад імя беларускага народа і сябе асабіста павіншаваў кіраўніка Кот-д’Івуара Аласана Драмана Уатару з нацыянальным святам, паведаміла прэс-служба беларускага лідара.
"Мы маем вялікі патэнцыял для пашырэння ўзаемадзеяння (…) Беларусь лічыць Кот-д’Івуар адным з перспектыўных гандлёвых партнёраў у Афрыцы", - сказана ў віншаванні.
Там таксама адзначаецца, што Кот-д’Івуар знаходзіцца ў ліку краін, дзе хуткімі тэмпамі ідзе развіццё эканомікі.
"Гэта, безумоўна, з’яўляецца пераканаўчым сведчаннем эфектыўнасці выбранага ўладай курсу і адкрывае новыя магчымасці для міжнароднага супрацоўніцтва", - сказана ў віншаванні.
Лукашэнка падкрэсліў, што дыялог паміж краінамі грунтуецца на прынцыпах дружбы, даверу і павагі.
Пры гэтым беларускі лідар адзначыў, што Мінск гатоў прапанаваць свой паспяховы вопыт па такіх запатрабаваных у Афрыцы напрамках, як падрыхтоўка кадраў, харчовая бяспека, тэхніка, абсталяванне для аграрнага сектара, удабрэнні, а таксама прадукты харчавання.
Лукашэнка ўпэўнен ў перспектыўнасці, карыснасці абмену візітамі паміж краінамі на розных узроўнях, у тым ліку і на ўзроўні бізнесу. Беларускі лідар пажадаў прэзідэнту Рэспублікі Кот-д’Івуар добрага здароўя, бадзёрасці духу і невычэрпнай энергіі, а жыхарам гэтай краіны – міру і згоды, паведамілі ў прэс-службе.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"