МІНСК, 18 жні – Sputnik. Аграрыі Беларусі працягваюць бітву за ўраджай, на сённяшні дзень у рэспубліцы ўжо намалочана звыш 7 млн тон збожжа, паведамілі ў Мінсельгасхарчы ў панядзелак.
"Па аператыўных даных на 18 жніўня з палёў краіны намалочана 7 млн 213 тыс тон збожжа разам з рапсам", - сказана ў паведамленні ў Telegram-канале ведамства.
Лідар па намалоце збожжа Мінская вобласць – там намалочана 1 751 тыс тон, на другім месцы Брэстчына – 1 608 тыс тон, на трэцім – Гродзенская вобласць з 1 457 тыс тон сабранага збожжа.
Магілёўскім сельгаспрадпрыемствам удалося намалаціць 913 тыс тон, гомельскім – 864 тыс тон збожжа. Замыкае спісак Віцебшчына з 640 тыс тон, вынікае з даных міністэрства.
"Пастаўлена ў лік дзяржзаказу: харчовага збожжа 376 тыс тон – 54% ад плана, алейнага семя рапсу 95 тыс тон – 99% ад плана", - адзначаецца ў паведамленні.
У Мінсельгасхарчы таксама расказалі, што на сённяшні дзень у краіне нарыхтавана 360 тыс тон сена – палова ад запланаванага, сенажу – 11 млн 861 тыс тон (85% плана). Травяных кармоў – 3 млн 613 тыс тон (36%).
На мінулым тыдні намеснік міністра сельскай гаспадаркі і харчавання Уладзімір Гракун заявіў, што ў беларускіх аграрыяў сёлета ёсць усе перадумовы сабраць больш за 11 млн тон збожжавых.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"