МІНСК, 20 жні – Sputnik. Грамадзяне чакаюць магчымасці пераехаць беларуска-польскую мяжу да сямі сутак, паведамілі ў Дзяржаўным мытным камітэце Беларусі.
Згодна з аператыўнымі звесткамі, днём 20 жніўня ў пункце пропуску "Брэст" у чарзе на ўезд у Польшчу знаходзіліся больш як 4 600 легкавых аўтамабіляў.
"Польскі бок з сумежнага "Цярэспаля" не спяшаецца пускаць транспартныя сродкі на сваю тэрыторыю, таму грамадзяне чакаюць магчымасці перасячы беларуска-польскую мяжу да сямі сутак", - гаворыцца ў паведамленні ДМК.
У камітэце адзначылі, што за апошнія суткі польскія пагранічнікі і мытнікі аформілі 570 легкавушак, якія рухаліся з Беларусі, – гэта толькі трэцяя частка ад нормы (1 700 машын). Акрамя таго, уезду ў Польшчу чакаюць пасажыры 130 аўтобусаў. Пры гэтым за апошнюю гадзіну (згодна з дадзенымі чат-бота "Белмытсэрвісу" сумежны бок прыняў толькі 18 аўтобусаў.
Як расказаў начальнік мытнага паста "Брэст" Аляксей Данілюк, да канца летняга сезона колькасць жадаючых перасекчы мяжу традыцыйна павялічваецца, аднак беларускі бок гатовы працаваць у такіх умовах.
У ДМК таксама нагадалі, што грамадзяне могуць зарэгістраваць сваё аўто ў сістэме электроннай чаргі і чакаць выкліку ў пункт пропуску ў любым месцы. На тэрыторыі пагранперахода і паблізу ад яго створаны ўсе ўмовы для камфортнага чакання. Напрыклад, дзейнічае зона адпачынку з фудкортам і альтанкамі, зараз яна пашыраецца.
Пагранпераход "Брэст – Цярэспаль" ужо больш за два гады застаецца адзіным КПП для аўтобусаў і легкавушак на беларуска-польскай мяжы. Цяпер гэта самы папулярны і самы загружаны маршрут у Еўропу.
У цэлым жа на мяжы Беларусі і трох краін Еўрасаюза (Польшча, Літва, Латвія) працуюць толькі пяць пунктаў пропуску з 14. Якія ПП адкрыты – глядзіце ў інфаграфіцы Sputnik.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"