МІНСК, 21 жні – Sputnik. Расія з’яўляецца асноўным рынкам збыту беларускай прадукцыі, якая вырошчваецца насельніцтвам, расказала намеснік старшыні праўлення Белкаапсаюза Аксана Скіндэр.
"Мы адгружаем агародніну і садавіну ў асартыменце: гэта бульба, буракі, цыбуля, морква, яблыкі, чарніцы, маліны, буякі, чорныя парэчкі, замарожаныя грыбы", - паведаміла яна на прэс-канферэнцыі ў чацвер.
Геаграфія экспарту налічвае каля 10 краін – Расія, Казахстан, Кітай, Камбоджа, Тайланд, Азербайджан, Літва, Польшча, В’етнам.
"Таксама ў нас ёсць зверагаспадарка, футра, якое мы прадаём у далёкія рэгіёны свету", - дадала Скіндэр.
Паводле яе слоў, асабліва актыўна наладжана работа з Расіяй – прадукцыя адгружаецца ў 27 рэгіёнаў. Больш за ўсё беларускія ягады і агародніну любяць у Маскве і Санкт-Пецярбургу.
"Расійскі рынак актыўна зацікаўлены ў набыцці чарнаплоднай рабіны, адраджэнне якой пачалося апошнім часам, а таксама чарніцы, клубніцы, маліны", - рэзюміравала намеснік старшыні Белкаапсаюза.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"