МІНСК, 28 жні – Sputnik. Прэзідэнт Беларусі Аляксандр Лукашэнка расказаў, што падрыхтаваў у камандзіроўку ў Кітай некалькі мяшочкаў бульбы, каб уручыць іх у якасці беларускіх сувеніраў замежным калегам.
Саміт ШАС адбудзецца ў Цяньцзіні 31 жніўня – 1 верасня. Таксама 3 верасня пройдзе ваенны парад на плошчы Цяньаньмэнь у Пекіне ў сувязі са святкаваннем 80-годдзя Перамогі ў вайне супраціўлення кітайскага народа японскім захопнікам і Другой сусветнай вайне.
Плануецца ўдзел у мерапрыемствах замежных лідараў.
Лукашэнка паведаміў, што для прэзентаў на саміце ШАС ужо нарыхтаваны падарункавыя льняныя мяшочкі з бульбай свежага ўраджаю, вырашчанай на дапаможнай гаспадарцы прэзідэнта. Гэта бульба айчынных гатункаў, такіх як, напрыклад, "Першацвет", "Брыз", перадае БелТА.
Аб тым, якія ён рыхтуе прэзенты, накіроўваючыся ў Кітай, кіраўнік дзяржавы расказаў у час рабочай паездкі ў Магілёўскую вобласць.
Раней Лукашэнка заяўляў, падчас візіту ў Паднябесную ён плануе сустрэцца з кітайскім лідарам Сі Цзіньпінам. Прэс-сакратар прэзідэнта Беларусі Наталля Эйсмант таксама паведамляла, што кіраўнік дзяржавы можа сустрэцца з расійскім калегам Уладзімірам Пуціным падчас свайго візіту ў КНР, дзе пройдзе саміт ШАС.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"