У жніўні прэзідэнт Аляксандр Лукашэнка падпісаў указ, якім карэкціруюцца Правілы дарожнага руху. Асноўныя палажэнні дакумента ўступаюць у сілу з 1 верасня бягучага года.
У прыватнасці, вызначана, што такое сродак персанальнай мабільнасці. Пакуль што пад паняцце СПМ падпадае даволі шырокі спектр розных апаратаў з электрацягай, на якіх людзі могуць перамяшчацца па горадзе. Гэта і разнастайныя электрасамакаты, і гіраскутары, і шматлікае іншае. Тэхнічныя характарыстыкі ў гэтых прылад могуць быць рознымі. З 1 верасня будуць вельмі важны два параметры: вага і максімальная хуткасць.
Указ дакладна ўстанаўлівае, што СПМ будзе лічыцца толькі той апарат на электрацязе, які развівае хуткасць да 25 км/гадз. Калі яна больш, гэта значыць два варыянты: або чалавек катаецца на лясных сцежках і аддаленых грунтоўках, або рэгіструе апарат як механічны транспартны сродак.
Таксама з’явіўся пералік правіл для эксплуатацыі СПМ. Веласіпедысты з 1 верасня будуць вымушаны спешыцца пры перасячэнні праезнай часткі. Ёсць і змены, якія тычацца аўтамабілістаў, якім зімой нельга будзе выкарыстоўваць усесезонныя шыны.
Якія асноўныя змены ПДР набудуць моц з 1 верасня? Якія новыя методыкі з’явіліся для скарачэння затораў і павелічэння трафіка ў гарадах? На якіх аб’ектах супрацоўнікі ДАІ акцэнтуюць увагу з пачаткам навучальнага года?
На гэтыя і іншыя пытанні адказваў начальнік галоўнага ўпраўлення ДАІ МУС Беларусі Віктар РОТЧАНКАЎ.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"