МІНСК, 31 жні – Sputnik. Прэзідэнт Беларусі Аляксандр Лукашэнка правёў сустрэчу са старшынёй Кітайскай Народнай Рэспублікі Сі Цзіньпінам перад пачаткам саміту ў Цяньцзіні, паведамляе прэс-служба кіраўніка дзяржавы.
Размова лідараў прайшла ў Доме прыёмаў урада. Падчас сустрэчы Аляксандр Лукашэнка адзначыў развіццё Кітая.
"Вы проста малайцы – гіганцкае развіццё. Арганізацыя, дысцыпліна, усё па месцы, ніхто дарма нідзе не ходзіць. Людзі займаюцца канкрэтнай справай", - сказаў кіраўнік беларускай дзяржавы.
Ён нагадаў, што прыязджаў у КНР яшчэ тады, калі старшынёй быў Цзян Цзэмінь (з 1993 па 2003 гады), і на парадку дня стаяла адно пытанне – тэхналогіі. Па словах Лукашэнкі, тады пэўныя тэхналогіі Кітаю перадавала ў тым ліку і Беларусь.
"А цяпер мы вучымся ў вас па ўсіх напрамках – ад ваенна-прамысловага комплексу да тавараў народнага спажывання", - падкрэсліў беларускі лідар.
Лукашэнка таксама заявіў, што Беларусі ёсць што пераняць у КНР у палітычным ладзе дзяржавы. Ён прывёў прыклад, калі СССР і Кітая дружна выбудоўвалі мадэль дзяржаўнасці – Пекін яе прынцыпам прытрымліваецца па сённяшні дзень.
"Мы, на жаль, многае страцілі. І сёння ўжо той, хто над гэтым думае сур’ёзна, разумее, што мы вельмі многае страцілі (...) Я вас віншую, што вы па-кітайску мудра, акуратна, без рэвалюцый і ўзрушэнняў ведзяце сваю краіну да той мэты, якую вы вызначылі", - сказаў на заканчэнне.
У кітайскім Цяньцзіні 31 жніўня – 1 верасня пройдзе саміт ШАС. Пасля гэтага ў Пекіне адбудуцца юбілейныя ўрачыстасці, прысвечаныя 80-годдзю Перамогі ў Другой сусветнай вайне. Прэзідэнт Беларусі будзе прысутнічаць на ваенным парадзе ў Пекіне.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"