МІНСК, 8 вер – Sputnik. Працоўны мігрант можа пераздаваць экзамен на веданне дзяржаўнай мовы шмат разоў, пакуль не атрымае станоўчы вынік, паведаміла першы намеснік міністра працы і сацабароны Таццяна Астрэйка.
Урад Беларусі прыняў рашэнне аб тым, што працоўныя мігранты, якія збіраюцца працаваць у краіне па шэрагу прафесій і пасад (11 пазіцый) павінны здаць экзамен па адной з дзяржаўных моў – беларускай або рускай.
Паводле яе слоў, калі мігрант з першага разу не здаў экзамен па мове, ён можа паспрабаваць гэта зрабіць зноў і зноў – неабмежаваную колькасць разоў.
"Але калі экзамен не здадзены, то па гэтых 11 прафесіях нельга заключаць працоўны дагавор", - падкрэсліла Астрэйка.
Правілы такія, удакладніла яна, што працоўныя мігранты не абмежаваны ў часе паміж папярэдняй і чарговай спробай здаць экзамен па мове.
"Тэсты будуць праходзіць адзін раз у два тыдні – 15-га чысла і ў апошні дзень месяца. Абмежаванняў не ўстаноўлена, роўна як і абмежаванняў па месцы правядзення тэсціравання. Куды наймальніку бліжэй, туды і накіроўваецца замежны мігрант для здачы тэста", - сказала першы намеснік кіраўніка ведамства.
Закранаючы тэндэнцыі ў сферы працоўнай міграцыі, Астрэйка адзначыла, што Рэспубліка Беларусь становіцца ўсё больш прывабнай краінай у працоўных мігрантаў. Істотную ролю тут адыгрывае рост аплаты працы ў рэспубліцы, а таксама тое, што беларускія наймальнікі маюць патрэбу ў працоўных рэсурсах, дадала яна.
Колькасць замежных працоўных мігрантаў, якія прыехалі ў Беларусь, у першым паўгоддзі 2025 года, павялічылася амаль у два разы ў параўнанні з аналагічным перыядам мінулага года, паведаміла прадстаўнік міністэрства.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"