МІНСК, 22 вер – Sputnik. Беларускія журналісты сталі ўдзельнікамі чарговага адукацыйнага модуля "SputnikPro на Зубовском", які медыягрупа "Россия сегодня" праводзіць для прадстаўнікоў СМІ, блогераў, smm і pr-спецыялістаў з краін СНД. Фінальны модуль гэтага года прайшоў у маскоўскім офісе медыягрупы з 15 па 19 верасня.
Чарговы адукацыйны модуль SputnikPro адбыўся ў маскоўскім офісе медыягрупы "Россия сегодня"
© Sputnik / Белоусов В./Девахина М.
За 5 дзён вядучыя супрацоўнікі агенцтва правялі для слухачоў 13 майстар-класаў і лекцый, якія датычацца асноўных напрамкаў работы сучасных медыя. Заняткі былі арганізаваны такім чынам, каб удзельнікі адукацыйнага модуля маглі адразу прымяніць пачутае на практыцы.
Так, напрыклад, была арганізавана дзелавая гульня па стварэнні Telegram-каналаў. Удзельнікам трэба было агульнымі намаганнямі прыдумаць канцэпцыю і тэматыку канала, запоўніць яго пастамі розных фарматаў, прадумаць спосабы прасоўвання і набраць максімум падпісчыкаў за пяць дзён. У фінальны дзень навучання трэба было прэзентаваць канал, а затым сумесна з экспертамі медыягрупы правесці падрабязны яго разбор.
Многія ўдзельнікі адукацыйнага модуля адзначылі, што ўпершыню паспрабавалі сябе ў адным з самых запатрабаваных на сённяшні дзень медыянапрамкаў – рэдактарскай працы Telegram.
Чарговы адукацыйны модуль SputnikPro адбыўся ў маскоўскім офісе медыягрупы "Россия сегодня"
© Sputnik / Белоусов В./Девахина М.
Удзельнікамі вераснёўскага адукацыйнага модуля сталі журналісты з Абхазіі, Арменіі, Беларусі, Казахстана, Кыргызстана, Узбекістана і Таджыкістана. Усяго ж за тры гады ў маскоўскім офісе медыягрупы прайшлі ўжо 12 модуляў праграмы "SputnikPro на Зубовском"", на якіх сваё прафесійнае майстэрства змаглі павысіць 144 журналісты з 11 краін блізкага замежжа.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"