Лепш доўга чакаць, чым зусім не ехаць: ноччу Польшча адкрыла мяжу

Калі Польшча аб’явіла аб закрыцці мяжы, у гэта паверылі не ўсе і далёка не адразу. Да апошняга моманту заставалася надзея, што шлагбаум не апусціцца. Але калі на мяжы расцягнулі спіраль з калючага дроту і ўстанавілі металічныя шчыты, надзея не проста растала, як дым, але і пакінула пасля сябе страх і сумненні: а ці адкрыюць потым пункты пропуску ў прынцыпе?

Чым бы ні кіравалася Варшава, закрываючы мяжу, – афіцыйна прычынай закрыцця назвалі вучэнні "Захад-2025" і арышт у Беларусі паляка, які падазраецца ў шпіянажы, – у аўторак, 23 верасня, было абвешчана аб рашэнні яе адкрыць.

Ці адыгралі ролю патрабаванні Пекіна – праз беларуска-польскую мяжу ідзе шмат кітайскіх грузаў, ці ўнутраны націск – у самой Польшчы таксама было шмат незадаволеных такім крокам улад, мы наўрад ці даведаемся. Але мяжа зноў адкрыта – і на ёй імгненна ўтварыліся чэргі. Як ні круці – гэта самы запатрабаваны напрамак на мяжы Беларусі і ЕС.

1 / 15

Афіцыйнае пацверджанне, што закрытыя амаль два тыдні таму пункты пропуску зноў запрацуюць, Беларусь атрымала раніцай 24 верасня.

2 / 15

Аўтатранспарт пачаў пад’язджаць да пункта пропуску "Брэст" яшчэ завідна.

3 / 15

Вадзіцелям легкавушак прасцей – яны ідуць па электроннай чарзе.

4 / 15

А вось аўтобусы – па жывой. І першым ля шлагбаума аказаўся той самы аўтобус, перад якім у ноч з 11 на 12 верасня гэты шлагбаум апусціўся.

5 / 15

Беларускія пагранічнікі пачалі афармляць транспарт на выезд за дзве гадзіны да адкрыцця мяжы.

6 / 15

7 / 15

8 / 15

9 / 15

10 / 15

11 / 15

Прыкладна а палове першай гадзіны (адкрыццё мяжы было намечана на 01:00 па беларускім часе) на польскім баку з’явілася машына з мігалкамі.

12 / 15

Польскія пагранічнікі пачалі прымаць шчыты.

13 / 15

І ўправіліся хутка – фактычна без чвэрці гадзіны ўжо можна было ехаць.

14 / 15

Аднак фармальна пачакалі да прызначанага часу – і ўжо ў 01:03 першая машына з беларускага боку выехала ў Польшчу.

15 / 15

Доўгія гадзіны чакання на польскай мяжы не першы год засмучаюць усіх, хто яе перасякае. Але аказалася, што лепш доўга чакаць, чым зусім ніяк не ехаць.

Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

Лепш доўга чакаць, чым зусім не ехаць: ноччу Польшча адкрыла мяжу – фота