МІНСК, 4 кас – Sputnik. Дакументальны фільм "Парень с нашего двора" пра загінулага ў зоне СВА расійскага журналіста РІА Навіны Расціслава Жураўлёва ўпершыню паказалі ў Мінску ў Доме Масквы, перадае Sputnik.
Карціну прадставілі яе аўтар – прадзюсар РІА Навіны Іна Танашава, ваенкор агенцтва Яўген Масленнікаў і намеснік галоўнага рэдактара медыягрупы "Россия сегодня" Дзмітрый Гарнастаеў.
На паказе фільма
© Sputnik / Дмитрий Марков
Як распавяла аўтар карціны, ідэя яе стварэння ўзнікла не адразу пасля гібелі Жураўлёва, фільм знялі пазней – да дня яго нараджэння.
"Пры рабоце над фільмам вельмі хацелася паказаць усю яго шматграннасць не толькі як чалавека, але і як журналіста. Паказаць, якім ён быў добрым, спагадлівым. І пры гэтым паказаць гэта тым людзям, якія яго не ведалі, і тым, якія яго ведалі, каб яны ўспомнілі пра яго, як яму цікава было працаваць у гэтым напрамку, як ён любіў гэтае жыццё", - адзначыла Танашава.
Яна таксама падкрэсліла, што Жураўлёў быў чуллівым і добрым, з адкрытым сэрцам, "гэта бачна па кадрах".
"Людзі самі да яго падыходзілі, расказвалі, што адбываецца. Хацелася яшчэ паказаць у гэтым фільме яго любоў да жыцця, яна была вельмі моцна бачная", - дадалі аўтар карціны.
Ваенкор Яўген Масленнікаў, прадзюсар РІА Навіны Іна Танашава і намеснік галоўнага рэдактара медыягрупы "Россия сегодня" Дзмітрый Гарнастаеў
Фільм для яго родных
Намеснік галоўнага рэдактара медыягрупы "Россия сегодня" Дзмітрый Гарнастаеў у сваю чаргу адзначыў, што першапачаткова фільм здымаўся для родных, маці, жонкі і двух дзяцей Жураўлёва.
"Калі яны паглядзелі яго, праз два гады (пасля гібелі Жураўлёва - Sputnik), яны, вядома, былі вельмі ўзрушаныя. Дзеці тату дастаткова мала бачылі, але цяпер яны ведаюць, якім быў іх бацька. Гэта вельмі важна", - падкрэсліў ён.
Па словах Гарнастаева, фільм быў зняты амаль як сямейнае кіно. Але пасля таго, як яго паказалі ў Екацярынбургу, людзі, якія прысутнічалі на дэманстрацыі адзначылі яго пранізлівасць і сказалі, што стужку трэба паказваць шырокай аўдыторыі.
"Ён быў зроблены сапраўды ад сэрца. У фільме паказана, і сапраўды Расціслаў быў такім і ў жыцці, і ў прафесіі, ён расказваў як прафесіянал вельмі простай мовай. І гэта падкупляла ў яго рэпартажах, у яго матэрыялах. Ён заўсёды быў вельмі просты, і гэта відаць па кадрах яго зносін з людзьмі. Ён такі хлопец з нашага двара, просты, і яго слова заўсёды знаходзіла водгук у сэрцах простых людзей", - сказаў Гарнастаеў.
Іна Танашава і Дзмітрый Гарнастаеў
© Sputnik / Дмитрий Марков
Намеснік галоўнага рэдактара медыягрупы таксама расказаў, што Жураўлёву ўдавалася паказваць жыццё, дзе б ён ні знаходзіўся.
"Ён паказваў нейкія бытавыя дэталі, эмоцыі людзей, іх чалавечы бок. Ён сапраўды бачыў на вайне не толькі вайну, ён бачыў жыццё", - дадаў ён.
Гледачы ў Доме Масквы
© Sputnik / Дмитрий Марков
Гісторыя Жураўлёва
Жураўлёў пачаў кар’еру журналіста ў 2012 годзе адразу пасля службы ў арміі.
У 2014-м асвятляў падзеі, звязаныя з вяртаннем Крыма ў склад РФ, удзельнік "Русской весны" на паўднёвым усходзе Украіны. З ліпеня па снежань таго ж года быў у Луганску. Уступіў добраахвотнікам у "Интербригаду" ў складзе батальёна "Заря" ЛНР.
Працаваць у РІА Навіны прыйшоў у 2021 годзе. У першыя дні спецаперацыі быў накіраваны ў камандзіроўку ў зону баявых дзеянняў. Спачатку гэта была Данецкая народная рэспубліка, затым – Харкаўская вобласць, пасля – Запарожская.
Нягледзячы на маладосць, Жураўлёў уваходзіў у дзясятку лепшых ваенкораў Расіі. У 2022 годзе быў удастоены прэміі "Золотое перо" за смеласць, праяўленую пры выкананні журналісцкага абавязку.
Летам 2023 года ў Запарожскай вобласці Жураўлёў рыхтаваў рэпартаж, звязаны з выкарыстаннем украінскімі вайскоўцамі забароненых касетных боепрыпасаў. 22 ліпеня загінуў падчас абстрэлу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"