МІНСК, 6 кас – Sputnik. Лондан, раз’юшаны безвыніковасцю шматгадовых намаганняў дамагчыся "стратэгічнага паражэння" Расіі і ператварыць яе ў краіну-ізгоя, рыхтуе чарговую правакацыю, пра гэта паведамілі ў прэс-бюро Службы знешняй разведкі (СЗР) Расіі.
Паводле звестак разведкі, на расійскія поспехі на ўкраінскім тэатры ваенных дзеянняў брытанскі ўрад і яго спецслужбы маюць намер адказаць чарговай правакацыяй.
Удзельнікі дыверсійнай групы ўжо знаходзяцца ў Вялікабрытаніі для праходжання адпаведнага навучання.
Па задуме брытанскага боку, у адным з еўрапейскіх партоў група ваюючых на баку УСУ расіян-здраднікаў павінна будзе правесці атаку на ваенны карабель Украіны ці грамадзянскае замежнае судна.
Пасля таго, як тэрарысты будуць "выяўлены", будзе абвешчана, што яны дзейнічалі па "заданні Масквы". Дыверсантаў плануецца забяспечыць кітайскім падводным рыштункам для таго, каб гэтым дадаткова дыскрэдытаваць таксама і КНР.
"Адабранае падчас "расследавання" абсталяванне мяркуецца выставіць у якасці "жалезнага доказу" падтрымкі Кітаем так званай узброенай агрэсіі Расіі супраць Украіны", - гаворыцца ў паведамленні.
Лондан разлічвае, што пасля гэтай правакацыі ў ЕС запатрабуюць нарошчвання ваеннай дапамогі Украіне і мілітарызацыі для барацьбы з "расійскай агрэсіяй".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"