НАВАГРУДСКІ РАЁН, 9 кас – Sputnik. Маладыя людзі, якія маюць залежнасць ад гаджэтаў, усё часцей ратуюцца "манастырынгам" – едуць без гаджэтаў пажыць у манастыры, распавёў журналістам прадстаяцель Беларускай праваслаўнай царквы мітрапаліт Мінскі і Заслаўскі Веніямін, адказваючы на пытанне Sputnik.
Сёння Уладыка Веніямін наведаў Лаўрышаўскі Свята-Елісееўскі мужчынскі манастыр, дзе ідзе падрыхтоўка да святкавання яго 800-годдзя.
"Калі маладыя людзі адчуваюць залежнасць ад інтэрнэту, ад сучасных месенджараў, яны не разумеюць, што трэба правільна перамагчы гэтую залежнасць. Разам з тым яны адчуваюць, што, маючы шмат інфармацыі, шмат розных прыгожых сюжэтаў на YouTube, у Telegram-канале, усё роўна не атрымліваюць важнага ў сваім жыцці", - сказаў мітрапаліт Веніямін.
Мітрапаліт Мінскі і Заслаўскі Веніямін
© Sputnik / Тамара Беляева
Уладыка адзначыў, што многія маладыя людзі даведаюцца ад сваіх аднагодкаў, што можна паехаць у манастыр – мужчынскі ці жаночы – для таго, каб пазбавіцца такой залежнасці.
"Пажыць там нейкі час. Без тэлефона (першы час бывае) цяжка, а потым аказваецца, што гэта прыносіць радасць, паўнату жыцця, свабоду і новае натхненне", - удакладніў мітрапаліт.
Паводле яго слоў, такая практыка атрымлівае распаўсюджванне ўсё больш і больш.
"Некаторыя – не скажу, што ўсе, але многія – адгукаюцца на гэта і на сваім вопыце пераконваюцца, што гэта працуе. І аказваецца, што для сучаснага чалавека якраз і не хапае гэтага духоўнага складальніка – паглядзець і адчуць прызначэнне чалавека", - прадоўжыў Уладыка.
Бо раней, падкрэсліў ён, людзі жылі неяк, і ў іх была паўната жыцця і радасць.
Цяпер у Беларусі больш за 30 мужчынскіх і жаночых манастыроў.
Лаўрышаўскі манастыр з’яўляецца самым старажытным мужчынскім манастыром на тэрыторыі рэспублікі. 5 лістапада тут пройдуць урачыстасці, прымеркаваныя да 800-годдзя з дня яго заснавання.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"