МІНСК, 14 кас – Sputnik. ЗША бачаць ролю Беларусі ў працэсе мірнага ўрэгулявання канфлікту ва Украіне, заявіў прэзідэнт рэспублікі Аляксандр Лукашэнка падчас нарады ў Палацы Незалежнасці ў аўторак.
"Мяркую, што Беларусі, як найбліжэйшаму саюзніку Расіі, у пытанні вырашэння ўкраінскага крызісу, а таксама ў выбудоўванні архітэктуры рэгіянальнай бяспекі адводзіцца пэўная роля. Амерыканцы ў гэтым працэсе нас убачылі. У нас ёсць канкрэтныя магчымасці і патэнцыял", - цытуе БелТА Лукашэнка.
Ён звярнуў увагу на тое, што рэспубліка даўно і неаднаразова публічна падкрэслівала думку аб неабходнасці мірнага ўрэгулявання канфлікту.
Паводле яго слоў, Беларусь выступае за спыненне баявых дзеянняў цяпер, у адваротным выпадку "знікне незалежная суверэнная дзяржава (Украіна. - Sputnik)".
Лукашэнка падкрэсліў, што некаторыя дзяржавы паглядаюць ужо на заходнія вобласці суседняй краіны.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"