МІНСК, 22 кас – Sputnik. Тэст-місія па эксплуатацыйнай бяспецы праходзіць на Беларускай атамнай электрастанцыі, паведамілі ў сераду ў Міністэрстве энергетыкі Беларусі.
У складзе групы экспертаў – прадстаўнікі шэрага расійскіх АЭС (Белаярскай, Калінінскай, Смаленскай, Новаваронежскай і Ленінградскай), а таксама апарату канцэрна "Росэнергоатом". Яны будуць знаходзіцца на станцыі да 31 кастрычніка.
"Яны ацэняць ключавыя напрамкі дзейнасці Беларускай АЭС па пытаннях эксплуатацыйнай бяспекі", - гаворыцца ў паведамленні.
У Мінэнерга ўдакладнілі, што група таксама агледзіць абсталяванне і сістэмы другога энергаблока станцыі, азнаёміцца з дакументамі і справаздачамі, паназірае за работай персаналу АЭС.
Па даных ведамства, дадзеная праверка – гэта этап падрыхтоўкі да будучай місіі МАГАТЭ OSART, якая запланавана на БелАЭС у наступным годзе.
Правядзенне місіі OSART на станцыі абмяркоўвалася ў верасні прадстаўнікамі Мінэнерга з Дэпартаментам тэхнічнага супрацоўніцтва і Дэпартаментам ядзернай і фізічнай бяспекі МАГАТЭ. Раней у Дзяржатамнаглядзе рэспублікі паведамлялі, што БелАЭС плануе ўвайсці ў агульнасусветны цыкл партнёрскіх праверак бяспекі на АЭС.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"