МІНСК, 28 кас – Sputnik. Расію непакояць планы актывізацыі дзейнасці НАТА ў Арктыцы, заявіў кіраўнік Міністэрства замежных спраў РФ Сяргей Лаўроў, выступаючы на III Мінскай міжнароднай канферэнцыі па бяспецы ў Мінску, перадае Sputnik.
Ён звярнуў увагу на тое, што набірае абароты мілітарызацыя Еўропы, нарошчваецца фінансаванне ВПК, праводзяцца маштабныя вучэнні, удасканальваецца лагістыка для перакідкі войск на Усходні фронт з задзейнічаннем інфраструктуры, у тым ліку тых краін, якія не ўваходзяць у НАТА.
"Не могуць не выклікаць турботу планы актывізацыі дзейнасці НАТА ў Арктыцы, якую мы, як і, я перакананы, большасць разважных краін хацелі б бачыць тэрыторыяй міру і супрацоўніцтва. Менавіта аб гэтым у свой час дамаўляліся ў рамках Арктычнага савета, але з тых часоў Захад спрабуе ізаляваць Расію і ад гэтай структуры", - сказаў Лаўроў.
III Мінская міжнародная канферэнцыя па бяспецы праходзіць з 28 па 29 кастрычніка ў Мінску. На форум прыехалі дэлегацыі больш як з 40 краін і сямі міжнародных арганізацый.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"